Havsjå

Hytta "Havsjå" ligg ved Arendal, like ved Nedenes. Vi har anneks med sengeplass til tre, evt. golvplass til fleire (ta med liggeunderlag!).

Vi tek gjerne imot besøk! Du kan avtale dette i god tid i forvegen, eller du kan ringe oss når du får lyst til å kome - så seier vi frå dersom vi ikkje er der eller det er "fullt" :-) Om du kjem med tog eller buss, kan vi hente deg. Det er parkeringsplass like ved Nedeneshallen og Nedenes skoler. Derfrå er det nokre hundre meter å gå gjennom skogen til hytta.

Hytta ligg oppe i lia med utsikt mot Store Torungen fyr og Skagerrak. Det er rundt 150 meter i luftlunje til sjøen, men terrenget er ulendt og fullt av skog. Vi vil i løpet av dei næraste sumarane få rydda ein del av skogen for å få betre utsikt. Vi har diverre (???) ikkje båt, brygge eller badeplass.

Her er ein del bilete av og frå hytta.

Det er til stadigheit "prosjekt" som må gjerast på hytta - både små og store. Nokre av dei viktigaste av den litt større typen er:

• Rydde loftet
• Utbetre fundamentet til flaggstanga (støype nytt pga. rust)
• Pusse og male nokre av vindauga
• Bytte ut lemmane på det store vindauget mot sør
• Rydde meir skog
• Male soverommet i annekset
• Bygge meir hensiktsmessig vaskeplass i annekset
• Ominnrede kjøkkenet
• Reparere loftet og innrede soveplassar der oppe

Pakkeliste

• Laken/putetrekk/dynetrekk og handdukar (vi har dyner/puter/madrassar - og også sengetøy og handdukar, om du litt spontant finn ut du skal ta ein tur og ikkje har med deg slikt utstyr. Men det er fint å sleppe vaske det ;-))
• Klær som tåler litt røff bruk - hytta ligg ikkje særleg urbant eller i umiddelbar nærleik til veg.
• Gummistøvlar/fjellstøvlar (til bruk gjennom skogen viss det er vått).
• Andre ting du føler du treng for å få ein behageleg ferie.

Kome dit

(Vegbeskrivelsane er særs unøyaktige, så vi anbefaler at du tek kontakt for nærare anvisningar...)

• Bil frå Oslo: E18 mot Kristiansand. Køyr E18 forbi Arendal (ikkje ta nokre av avkøyringane mot Arendal). Ta av avkøyringa mot Nedenes++ litt sør for Arendal, men før du kjem til Grimstad. Ta av ved Kiwi og køyr i retning Nedenes-skulane og Nedeneshallen. Parker ved barneskulen, den enden som er nærast bustadfeltet der.
• Bil frå Stavanger/Kristiansand: E18 i retning Arendal. Ta av mot Nedenes++ mellom Grimstad og Arendal.
• Tog: Ta tog til Arendal (via Gjerstad). Avtal henting på stasjonen, eller ta lokalbuss til "Nedenesskolene".
• Buss frå Oslo: Sørlandsekspressen til Arendal eller Nedenes. Rutenummeret hos Nor-Way Bussekspress er 190. Det kostar (2006) 480 t/r Oslo-Arendal (310 for student) eller 340 ein veg. Avtal henting eller ta lokalbuss.
• Buss frå sørlege del av Oslofjordområdet (ink. Østfold): Kystbussen Sør til Arendal eller Nedenes. Nor-Way Bussekpress rute 210 Kristiansand-Arendal-Porsgrunn-Horten-Moss-Sarpsborg.
• Sykkel.

Kontakt oss

Ring oss på mobil før du kjem (vi les mail, men ikkje så ofte).

• Anders: 918 97 181
• Magni: 928 10 269